- 29 राज्ये आणि केंद्रशासित प्रदेशांमधील एकूण 260 शाळांनी या कार्यक्रमात भाग घेतला.
- कॅपजेमिनी आणि मिशेलिन यांनी 110 शाळांना बियाणे निधी आणि तंत्रज्ञानासाठी मार्गदर्शन करण्यासाठी ला फाउंडेशन डसॉल्ट सिस्टीम्ससोबत भागीदारी केली.
ला फाउंडेशन डसॉल्ट सिस्टीम्स इंडियाने अटल इनोव्हेशन मिशन (AIM), नीती आयोगाच्या सहकार्याने, त्यांच्या ‘मेड इन थ्रीडी – सीड द फ्युचर एंटरप्रेन्योर्स’ हा प्रमुख शालेय उपक्रम 2024–25 सीझनची यशस्वीरित्या सांगता केली.
14 जून रोजी पुण्यात झालेल्या या कार्यक्रमाच्या ग्रँड फिनालेमध्ये भारतातील 29 राज्ये आणि केंद्रशासित प्रदेशांमधील 260 सहभागी शाळांपैकी 10 अंतिम फेरीतील संघ सहभागी झाले होते, ज्यामुळे नवोन्मेष, उद्योजकता आणि शाश्वत भविष्यासाठी तरुणांना तयार करण्याच्या ध्येयाला बळकटी मिळाली.
यंदाच्या उपक्रमात, सहभागी विद्यार्थी संघांना ‘आरोग्य, सुरक्षा आणि निरोगीपणा’, ‘टाकाऊतून सर्वोत्कृष्ट’ तसेच ‘स्मार्ट गावे आणि शहरे’ याच्याशी संबंधित दैनंदिन जीवनात येणाऱ्या अडचणींवर उपाय शोधण्यासाठी प्रोत्साहित करण्यात आले. सर्वसमावेशक विचार आणि प्रत्येक टप्प्यावरील समस्यांचे निरसन करण्यासाठी योग्य दृष्टिकोन वापरत त्याची संकल्पना डिझाइन करण्यापासून प्रोटोटाइपिंगपर्यंत नावीन्यपूर्ण उपाय विकसित केले. अंतिम स्पर्धकांनी त्यांचे उत्पादन प्रोटोटाइप, व्यवसाय धोरण आणि मार्केटिंग धोरणांच्या साहाय्याने ‘स्यूडो-स्टार्ट-अप्स’ सादर केले.
2024-2025 चे विजेते
- प्रथम क्रमांक: डॉ. कलमाडी शामराव हायस्कूल, गणेश नगर पुणे – स्टार्टअप “क्रेओविस्टा” – उत्पादन ‘झेनिथ – कचरा संकलन’. त्यांचे उत्पादन जलसाठ्यांमधून शेवाळ गोळा करून त्यावर प्रक्रिया करून शेवाळ तेल, जैव खत बनवू शकते. शेवाळ हे जलसाठ्यांसाठी एक मोठे संकट आहे आणि हे उत्पादन त्यांच्यासाठी खरोखरच अत्यंत सोयीचे ठरू शकते.
- द्वितीय क्रमांक : अक्षरा इंटरनॅशनल स्कूल, वाकड, पुणे – त्यांचे स्टार्टअप ‘कवच’ – उत्पादन ‘मेडीपेन’. मेडीपेन हे एक नावीन्यपूर्ण, कार्यक्षम, वापरण्यास सोपे आणि कुठेही नेण्यासाठी सोयीचे असे ‘ऑल इन वन’ प्रथमोपचार किट आहे, जे तुमच्या बॅगेसोबत जोडता येते. त्यांच्या टॅगलाइनमध्ये म्हटल्याप्रमाणे: “प्रो सारखे क्लिप करा आणि लाईफलाइनसारखे वापरा!”
- तृतीय क्रमांक : न्यू इंग्लिश स्कूल धामरी, पुणे – त्यांचे स्टार्टअप ‘रूट बाउंड फार्म्स’ – उत्पादन ‘कट मास्टर’. कट मास्टर हे एक जलद आणि कार्यक्षम मशीन आहे जे कांद्याची जलद कापणी करण्यास मदत करते. प्रति मिनिट 35 कांदे कापले जाऊ शकतात. यामुळे आवश्यक मजुरीचा खर्च कमी होतो आणि उत्पादन खर्च कमी करत एकूण नफा वाढवते.
सामाजिक तसेच स्थानिक आव्हाने ओळखण्याची आणि व्यवहार्य, डिझाइन-चलित व्यवसाय कल्पनांमध्ये रूपांतरित करण्याची विद्यार्थ्यांची क्षमता पाहून सारेच प्रभावित झाले. आपल्या कल्पनांच्या सादरीकरणासाठी विजेत्या संघांनी व्यावसायिक 3D डिजिटल तंत्रज्ञानाचा वापर केला. त्यांच्या प्रकल्पांमध्ये सखोल अभ्यास, सर्जनशीलता, व्यवहारीपणा आणि उद्योजकतेची मजबूत समज दिसून आली.
या भव्य समारंभाला प्रमुख पाहुणे म्हणून भारतातील पेटंट्सचे कंट्रोलर जनरल डॉ. उन्नत पंडित यांच्यासह अनेक मान्यवर उपस्थित होते. इतर मान्यवरांमध्ये अटल इनोव्हेशन मिशनचे माजी मिशन डायरेक्टर डॉ. चिंतन वैष्णव; दसॉ सिस्टेम्स सोल्युशन्स लॅबचे सीईओ, ला फाउंडेशन डसॉ सिस्टेम्स इंडियाचे अध्यक्ष सुदर्शन मोगासळे;
अटल इनोव्हेशन मिशनच्या प्रकल्प संचालक दीपाली उपाध्याय; कॅपजेमिनीचे उपाध्यक्ष आणि कॉर्पोरेट सोशल रिस्पॉन्सिबिलिटी अँड सस्टेनेबिलिटीचे प्रमुख कुमार अनुराग प्रताप; कॅपजेमिनी येथील डिजिटल इन्क्लुजन सीएसआरच्या प्रमुख धनश्री पागे; कॅपजेमिनी इंडियाच्या अप्लाइड इनोव्हेशन एक्सचेंजचे प्रमुख अंशुल पांडे; मिशेलिन येथील टायर परफॉर्मन्स ऍनालिसिस अँड सिम्युलेशनचे संचालक मोतोहिरो एएसएआय आणि मिशेलिनच्या मुख्य ट्रान्सफॉर्मेशन ऑफिसर प्रियदर्शिनी कचरू यांचा समावेश होता.
